Lessilo
БЕЛ

Для прыватных рэпэтытараў

Расклад, урокі і грошы вучняў — у адным месцы, а ня ў пяці чатах

Lessilo замяняе перапіску, табліцу, каляндар і нататнік. Вучні самі запісваюцца ў вашыя вольныя вокны, дзёньнік уроку агульны, а хто колькі вінен — відаць адразу.

Пачаць бясплатна У мяне ўжо ёсьць акаўнт
  • Бясплатна на старце
  • Рэгістрацыя за хвіліну
  • З кампутара і тэлефона

Знаёма?

  • «А калі можна?» — паўгадзіны перапіскі дзеля аднаго пераносу

    Вучань бачыць вашыя вольныя вокны і запісваецца ці просіць перанос сам.

  • Хто аплаціў пакет, а хто вінен за два ўрокі — толькі ў галаве

    Балянс кожнага вучня лічыцца сам: урок праведзены — урок сьпісаны.

  • Хатняе заданьне тоне ў чаце сярод стыкераў і галасавых

    Тэма і заданьне ляжаць у картцы ўроку, якую бачыце вы і вучань.

  • Бацькі а 23:00 пытаюцца пра расклад і колькі плаціць

    У бацькоў свой кабінэт: расклад і балянс дзіцяці — без пытаньняў да вас.

Што ўмее Lessilo

Усё, што ніжэй, ужо працуе — у браўзэры на кампутары і тэлефоне.

  • Запіс па асабістай спасылцы

    Задайце, калі прымаеце, — Lessilo падзеліць вокны на слоты. Вучань адкрывае вашую спасылку, бачыць толькі вольны час і запісваецца. Двое ў адзін слот не патрапяць.

  • Агульны дзёньнік уроку

    Тэма, што прайшлі, хатняе заданьне і спасылка на ўрок у Zoom ці Meet — у адной картцы, якую бачыце вы і вучань. Нічога не губляецца ў перапісцы.

  • Перадаплата і пасьляплата

    Пакет на балянсе сьпісваецца сам пасьля праведзенага ўроку. Пры пасьляплаце ўрок атрымлівае статус «да аплаты», а вы адзначаеце «Аплачана» адной кнопкай — сума ўжо падстаўленая.

  • Пераносы і адмены без перапіскі

    Вучань просіць перанос у кабінэце — вы пацьвярджаеце ці адмаўляеце. Адмяніць урок ён можа сам, назваўшы прычыну, і акно адразу вызваляецца.

  • Напаміны і ваш каляндар

    Лісты за суткі і за гадзіну да ўроку, а таксама пра запіс, перанос і адмену — вам, вучню і бацькам. Урокі зьяўляюцца ў звыклым календары на тэлефоне праз спасылку-падпіску.

  • Даход і некалькі прадметаў

    У кожнага прадмета свая стаўка. Колькі вы атрымалі за месяц ці любы пэрыяд — адной справаздачай, без табліц.

Як пачаць — тры крокі

  1. Зарэгіструйцеся

    Праз Google, Apple ці пошту. Пазначце прадметы і стаўкі — гэта некалькі хвілін.

  2. Задайце вокны прыёму

    Напрыклад, у будні з 16 да 21. Адпачынак і разовыя вокны на пэўную дату — таксама можна.

  3. Паклічце вучняў

    Дашліце асабістую спасылку ці запрашэньне — вучань запішацца сам, а бацькоў можна запрасіць сьледам.

Вучням і бацькам — свае кабінэты

Lessilo — не асабісты арганайзэр рэпэтытара. Вучань і бацькі бачаць сваё, таму радзей пішуць вам.

Вучань

  • Запісваецца сам у вольнае акно
  • Бачыць тэму, хатняе заданьне і спасылку на ўрок
  • Ведае рэшту пакета ці што да аплаты
  • Просіць перанос і адмяняе ўрок у некалькі націсканьняў

Бацькі

  • Бачаць расклад усіх сваіх дзяцей
  • Ведаюць балянс і гісторыю налічэньняў
  • Могуць самі дадаць дзіця ў акаўнт
  • Не адцягваюць вас пытаньнямі «калі» і «колькі»

Адзін акаўнт — некалькі роляў. Калі вы і выкладаеце, і вучыцеся самі ці маеце дзіця-школьніка, пераключайцеся паміж кабінэтамі без паўторнага ўваходу.

Колькі каштуе

0

Бясплатна на старце

Пакуль сэрвіс на старце, карыстацца ім можна бясплатна — вам, вашым вучням і іхным бацькам.

  • Усе магчымасьці з гэтай старонкі
  • Кабінэты для вучняў і бацькоў
  • Уваход праз Google, Apple ці пошту
Стварыць кабінэт

Частыя пытаньні

Вучню абавязкова рэгістравацца?

Так. У вучня свой кабінэт: там ягоныя ўрокі, хатнія заданьні і балянс. Зарэгістравацца ён можа адразу па вашай спасылцы ці запрашэньні — тым самым уваходам праз Google, Apple ці пошту.

Як да мяне трапляюць грошы?

Як і раней — гатоўкай ці пераводам, наўпрост вам. Lessilo вядзе ўлік: сьпісвае ўрок з пакета пасьля правядзеньня ці ставіць «да аплаты», а вы адзначаеце аплату адной кнопкай. Калі ўрок гэтым разам каштаваў іначай, суму можна выправіць.

Калі я падыму кошт, даўгі пералічацца?

Не. Кошт уроку фіксуецца, калі запіс пацьверджаны. Новая стаўка дзейнічае для будучых урокаў, а мінулыя даўгі застаюцца такімі, якімі былі.

Вучань жыве ў іншым часавым поясе

Нічога страшнага: кожны бачыць час уроку ў сваім поясе, а вокны лічацца ў вашым.

Ці можна закрыць запіс для новых вучняў?

Так. Асабістую спасылку можна закрыць — тады вольныя вокны бачаць толькі вашыя вучні.

Ці можна выпадкова сьцерці праведзены ўрок?

Не. Праведзены ўрок не зьнікае бясьсьледна: яго можна толькі адмяніць з прычынай, і гэта застаецца ў гісторыі. Спрачацца, ці быў урок, не давядзецца.

Пачніце з аднаго вучня

Завядзіце кабінэт, адкрыйце некалькі вокнаў і дашліце спасылку. Астатнія падцягнуцца, калі ўбачаць, што так зручней.

Пачаць бясплатна